Orerorĭcatu ore angapĭçĭcatu aypo ñanderubichabete ñȇȇnga rendubire, ore rechacane berami ȃngire coy̆te ñanderubichabete;

y̆má aracae ore reco poriahubirechaca caraý ore moȃngecȏngeco rechaca ndorequaabi berami ñande rubichabete oroé oreyoupe;

aete angȋre coy̆te ore quaacatu ore rechacatu berami ñande rubichabete yñȇȇnga rendubire oroe coĭte ore angapĭcĭ catubo oroyapape.

Ore orohendu y̆ma yepe raco aypo ñȇȇ aracae maracayupe peho eme penemimboacĭpe heýbae yepe, aete Caraý ndoguerobiari

aypo é rire yepe oreboya opacatu, oreray̆, ore rĭbĭ ogueroyeoy̑ yepi maracayupe ymanȏhagȗamȇ

euapo nȃnga ore boya cañimbá, nda ore boyá ñote ruȃy̑, aba rubicha ray̆ rera yepe, mburubichabae yepe abe, Caraý ogueroyeóy maracayupe

ymocañĩmȏ ymomanȏmȏ caaguĭrupi ymoñemombeu uca eỹ mamo ymotȗpȃpĭcĭ uca eỹ mamȏ christiano eỹ mbae rapicha, he bae rapicha eteý;

acoy̑ caamboyĭha maracayupe guara tĩnĩhȇngatu ore boya cangȗe rehe;

co tȗpȃ oga cuña cȃnguasu ñote oguereco,

aete ore boya amĩrȋ cangȗerȋ maracayu hupabamo heconi;

aypo nunga teco ore moporiahubi, ndoremboogabey̑, ndorembocogbey̑, oremoy̑ngotebe eté, ndoreboyabey̑ ndoreray̆boy̑, nditĭbey̑, cunȗmȋ guaçu, maracayupe opacatuy̑ pabi.

Ore retambiperaño yaheotapia oyporara omȇ amĩrȋ rechagau hape, omembĭrechagauhape:

Ndahaubie ndorohopotabeý maracayupe, ndoromondapotabey̑ euapo oreboya tocanĩmeme ore boya rembĭreri euapo oroyapape.

Aypo haguȃmȃ rehe ore ñȇȇ pehendubucatamȏ ñanderubichabete upe tohȏquendacatu maracayu toyeog hape, toho eme aba amo coy̆te euapo cunȗumi rembĭrera taba mombĭta habamo ño toyco coy̆te

ñanderubichabete toreporiahubereco catu, torecañĩmba eme maracayupe, Oreñemombeu eỹmamo sacramento pĭçĭ eỹ mamo, mbae mĩmbaba rapicha

ñande rubichabete nia co ore ñȇȇ pȇȇ oyeupe ymombeueỹ mamo ndohendu bice amone,